Фальварак Ракуцёўшчына

Описание

Філіял Дзяржаўнага музея гісторыі беларускай літаратуры «Фальварак Ракуцёўшчына» – музейны комплекс у вёсцы Ракуцёўшчына Маладзечанскага раёна Мінскай вобласці. У маёнтку Лычкоўскіх, летам 1911 года, гасцяваў класік беларускай літаратуры М.Багдановіч. У Ракуцёўшчыне паэт напісаў два цыклы вершаў: «Старая Беларусь» і «Места» (усяго 17 вершаў) і дзве паэмы «Вераніка» і «У вёсцы». «Фальварак Ракуцёўшчына» ўключае ў сябе: сядзібу Лычкоўскіх (Дом гаспадара, Дом арандатара), тэрыторыю вакол сядзібы, крыніцу Максіма, помнік і пісьменніцкі парк. Музеефікацыя ракуцёўшчынскіх мясцін пачалася ў 70-я гады ХХ стагоддзя. У чэрвені 1977 года па прапанове супрацоўнікаў Мінскага абласнога краязнаўчага музея (г.Маладзечна) быў устаноўлены помнік у вёсцы Ракуцёўшчына – два камяні: адзін як вечная свечка памяці, на другім – выбіты радкі з “Санета” М.Багдановіча. У 1981 годдзе каля помніка вядомымі беларускімі пісьменнікамі быў пасаджаны “Максімаў сад”. __________________________________________ Адрас: в. Ракуцёўшчына Маладзечанскага раёна Мінскай вобласці. Тэл.: 8-0176-7-96-1-41 Музей працуе: з 9.00 да 17.00 Вых.: Панядзелак